Моги Блог F.A.Q. < Не е фак ју > :-)

Кој беше Моги?
-Моги бев јас. Но јас не сум повеќе Моги. Моги беше една прекрасна личност, која некаде, попатно умре, а сега денови и ноќи трагам по него, трагам по себеси. Зошто трагам, ќе прашате. Бидејќи немам избор, бидејќи да не бидам себеси, или барем она што порано го познавав како себеси, значи да бидам ништо, да немам личност. Сигурен сум дека многу од нас знаат како е ДА СЕ НЕМА ЛИЧНОСТ, дури и да не се свесни за тоа. Поточно, трагам бидејќи инаку јас сум една празна индивидуа која е дел од масата, постои без причина(pas de Raison d'être), и е подложна на сите фрустрации, ниски страсти, жлездени мисли и ламтежи на кои е подложен The Common Man. Моги беше бисер, повеќе од човек, а можеби и натчовек. Но тој престана да биде. Сега јас ја имам само школката и само една голема празнина. Но како што имаше обичај да рече Моги, „Светот има ѕвезди како нас, дури и наспроти темнината која го обвива“.
Да го спознаам Моги значи да се спознаам себеси.

Добро ама од кај Моги?
-Дали некогаш сте ја слушнале приказната за Претскажувачот?! Епа Моги додека беше во средно, филозофираше (понекад и го тупеше, ама углавном филозофираше) и веруваше дека секој филозоф кој гледа повисока смисла во постоењето на човекот, која допрва треба да се отелотвори или оствари, е претскажувач. Исто така, веруваше дека тој е претскажувач. Името потекнува од <Најдобрата игра која воопшто сум ја играл>. Моги е името на еден Талан кој бил голем мудрец пред неговата земја да биде окупирана од злобниот Fae Rhan. Кога Fae Rhan дошол во земјата, Моги ги предупредувал сите дека овој ќе ги направи робови, но никој не го слушал. А откако злобникот ја превзел власта, долго време го измачувал Моги и тој делумно го изгубил умот (оглупавел). Навистина треба да навлезете во играта за да го сретнете Моги, и за да го доживеете на вистински начин.

Зошто овој блог?
-Овој блог постои бидејќи мислам дека луѓето треба да чујат кој бил Моги. Ако не сите, барем оние кои ги сметам за најблиски. Најблиски, Слушате! Ако сум ви ја дал лично адресата значи дека токму вас ве сакам и почитувам, исто како што се сакам и почитувам себеси. А првата личност на која ќе ја дадам, па нека знае дека токму таа е искрата за една бура, ова е тивкиот миг, а каква ќе биде бурата, допрва ќе видиме :-)
На овој блог ќе бидат постувани многу работи што ги пишувал или думал Моги, се надевам дека ќе уживате.

Инаку сигурен сум дека доста луѓе ќе помислат оти сум ш'шрдисал, и вистина е, понекогаш, ама углавном сум океј 8-)